"క్లాసికల్ క్లాసికల్ అంటుంటారు. ఏవిటండీ అది?"
"అదా... ఉండండి. ఒక రికార్డు పెట్టి వినిపిస్తాను... ఇదుగో ఇది షెహనాయి రికార్డు".
"ఇదా... ప్రగతిమైదాన్ లో ఇది ఎప్పుడూ వింటూనే ఉంటాం... ఇదేం సంగీతమండీ అలా ఏడుస్తూ ఉంటుంది?"
"నేను చచ్చిపోదలుచుకున్నాను. తలుచుకున్నా, తలుచుకోకపోయినా ఎప్పటికైనా చచ్చిపోక తప్పదనుకోండి-అరవయ్యో యేటో, డెబ్భయ్యో యేటో, వందో యేటో. కాని, అలా చావు సహజంగా వచ్చేవరకు బ్రతికి, భూమ్మీద నూకలు వృధా చేయడం నాకు ఇష్టం లేదు. అందుకని అర్జెంటుగా ఆత్మహత్య చేసుకోవాలనుకుంటున్నాను. ఎండ్రినో, సైనైడో సంపాదించడమే తరువాయి. అంతకంటే స్లీపింగ్ పిల్స్ అయితే శ్రేష్ఠం. సునాయాసంగా శాశ్వత నిద్రలోకి జారిపోవచ్చు. ప్రస్తుతం వాటిల్లో దేన్నో ఒక దాన్ని సంపాదించే ప్రయత్నంలో ఉన్నాను. దానికి పెద్ద ప్రయత్నం కూడా కావాలా అంటారేమో, మందుల షాపువాడు నా వాలకం చూసి అనుమానించి మీకు (పోలీసు వారికి) పట్టిస్తే మొదటికే మోసం.
అసలు ఇదంతా ఎందుకు రాస్తున్నానంటే, రేపు ఎక్కడన్నా నా శవం కనిపిస్తే హత్యో, ఆత్మహత్యో తెలీక మీరు దర్యాప్తు చేస్తారేమోనని, మీకు ఆ శ్రమ లేకుండా చేయడానికే నన్ను గురించి వివరాలన్నీ రాస్తున్నాను."
"అన్నట్లు రేపు కాక ఎల్లుండి పండగైతే నువ్వింకా పిండివంటలు కార్యక్రమం మొదలెట్టలేదే? ప్రతి ఏడాదీ ఈ పాటికి హడావుడిగా వుండేదానివి-వారం రోజుల ముందు నుంచీ ప్రారంభించి, ఐదారు రకాల స్వీట్లూ, మూడు నాలుగు రకాల హాట్లూ చేసేదానివి? ఏడెనిమిది ఇళ్ల వాళ్లకి పంచి పెట్టేదానివి?''
అల్ట్రా న్యూవేవ్ భయంకర సస్పెన్స్ చిత్రం
ఫ్రెంచ్, స్వీడిష్, ఇటాలియన్ న్యూవేవ్ చలన చిత్రాల కోవలో పండిత ప్రేక్షకుల మేధాశక్తిని పరీక్షించగల అద్భుతమైన, అపూర్వమైన ఇంటలెక్చువల్, థాట్ ప్రవోకింగ్, సస్పెన్స్ చిత్రాన్ని నిర్మించి అంతర్జాతీయ ఖ్యాతి నార్జించగోరే యువ దర్శకుల కోసం ఈ స్క్రిప్టును ప్రత్యేకంగా తయారుచేశాను. ఇటువంటి చిత్రం 75 సంవత్సరాల ప్రపంచ చలన చిత్ర చరిత్రలో ఎన్నడూ రాలేదని ఘంటాపథంగా చెప్పగలను. ఇప్పట్లో వచ్చే అవకాశం లేదని కూడా గ్యారంటి యిస్తాను.
భారత వీరజవాన్ తుపాకి దెబ్బకు హాహాకారాలు చేస్తూ నేలకొరిగిన పాకిస్తాన్ కిరాతకుని రక్తంలా పశ్చిమాకాశం అరుణిమ దాల్చింది. రక్తం క్రమంగా పేరుకుని, నల్లబడి, గడ్డ కట్టినట్లు ఆకాశం క్రమంగా నలుపెక్కుతోంది... అక్కడక్కడ నలుపు ఎరుపు కలిపిన మబ్బులు కరుళ్ళు కడుతున్నాయి.
ఎడతెరిపి లేకుండా పదేళ్ళపాటు హోటలు భోజనం చేసిన ఒక యువబ్రహ్మచారికి జిహ్వచచ్చి, చివరికి మానవ జన్మం మీదనే విరక్తి కలిగింది. ప్రపంచమనే హోటల్ బల్లపై వడ్డించిన విస్తరిలా కనిపించింది జీవితం. అతను నిక్షేపంగా ఎం.ఏ. వరకు చదువుకున్నాడు. బుద్ధిమంతుడు, తెలివైనవాడు. విశాల హృదయుడు (40 అంగుళాలు). హోటల్ భోజనం చేయగా మిగిలిన పర్సనాల్టీయే దాదాపు ఎన్టీరామారావంత ఉంటుంది. అయినా అతను పెళ్ళి చేసుకోవడానికి ఎందుకు మొహమాటం పడుతున్నాడో స్నేహితులెవరికీ అంతుపట్టటం లేదు. ఆర్థిక సమస్యలేవైనా ఉన్నాయానుకుంటే అదీ లేదు. ఆస్తి పాస్తులు లేకపోయినా నెలకు 500 సంపాదిస్తున్నాడు. 'అతనికి ఓ పట్టాన ఏ పిల్లా నచ్చదు' అనుకున్నారు స్నేహితులు. 'అతనికి కట్నం దాహం మరీ జాస్తి లేస్తురూ' అనుకున్నారు బంధువులు. అతను కిమ్మనకుండా ఉండేవాడు. రోజూ భోం చేస్తున్నప్పుడు మాత్రం మనస్సులో 'పెళ్ళిచేసుకోవాలి' అనుకునేవాడు.
వేషధారణలో ఫాషన్లు మారిమారి చివరికి మళ్ళీ పంచలు, లాల్చీలవంతు వచ్చింది. నవయువకులందరికీ ఇప్పుడు పంచలపై మోజు హెచ్చింది. ఎందుకంటే 'లాల్చీ, పంచ' వేషంలో శృంగారపు కళ ఉంది, పెద్ద మనిషి తరహా ఉంది. పైజామా తొడుక్కుంటే మరీ కుర్రతనం కనిపిస్తుంది. డిగ్నిటీ ఉండదు. సూట్ వేసుకోవడం కేవలం ఆడంబరంగా ఉంటుంది. పాంటూ, శ్లాక్ షర్టు వేసుకోవడంలో పెద్ద మనిషి తరహా లేదు. అలా కాక శుభ్రంగా కాలరు పట్టీ ఉన్న సిల్కు లాల్చీ వేసుకుని, మల్లెపువ్వులాంటి తెల్లని గ్లాస్కో పంచ కట్టితే భేషుగ్గా ఉంటుంది. ఆడ పిల్లలు 'ఎంచక్కా ఉన్నాడో శరత్ బాబు హీరో లాగా' అని మెచ్చుకుంటారు. సాటి యువకులు 'యమ ఫోజులో ఉన్నాడే శోభనం పెళ్ళికొడుకులాగా' అనుకుంటారు. పెద్దలు 'బుద్ధిమంతుడు, యోగ్యుడు, చూడండి ఆ వినయం, ఒద్దిక, నిరాడంబరత, చక్కగా పదహారణాల తెలుగువాడిలా ఉన్నాడు' అంటారు. ఈ వేషంలో ఐదు సుగుణాలున్నాయి; గాంభీర్యం, శృంగారం, సభాగౌరవం, సుఖం, చవక. అందుకే ఆంధ్ర రాజధానిలో ఈ వేషానికి ఇప్పుడు గిరాకీ పెరిగింది.
"ఏల్రు గుడివాడ, ఏల్రు గుడివాడా, ఆ... ఎవరండీ వచ్చేదీ... ఎల్లిపోతోందీ" అంటూ క్లీనర్ కుర్రాడు అరుస్తున్నాడు 1123 పుట్ బోర్డ్ మీద నుంచుని. ఎవరూ వచ్చేవాళ్ళూ లేకపోవడం వల్ల, సవిలాసంగా యీలవేసి ''రా....యిట్'' అని కేక పెట్టి, కడ్డీ పట్టుకుని వేళ్ళాడుతూ నుంచున్నాడు క్లీనర్ కుర్రాడు. 1123 వయ్యారంగా, ఠీవిగా బయల్దేరింది. ఏలూరు బస్ స్టాండ్ నించి హారన్ మోగిస్తూ వాయువేగ మనో వేగాలతో పోతోంది 1123. ''ఎంతయినా చెవర్లెట్ చెవర్లెటే కదండీ'' అని కుర్రాడు పక్కనున్న పెద్ద మనిషితో బ్రహ్మాండంగా కోసేస్తున్నాడు. కార్లో వాళ్ళంతా చెవులు నిక్కబొడుచుకుని వింటున్నారు ఆసక్తితో. ''అరే మొన్న మనకీనూ ఆ 75 గాడికీను పడిందిరా కామ్టేషన్. మేం పుట్టగుంట దగ్గర ఆగే తలికి నాయాల కాస్ చేసిపారేశాడు. బోళ్ళంత మంది ఆడంగులూ, లగేజీ పడిందసె. మళ్ళీ బయల్దేరేసరికే రెండు నిమిషాలు పట్టింది. తస్సదియ్య బాబూరావు అప్పటికే 'లింగాల' దాటిపోతే!. ఇహ మనవాడు పోనిచ్చాడు చూసుకో, నా సామిరంగా, చెవర్లెట్ తడాఖా అంతా చూపించాడనుకో. భూమ్మీద నిలిచిందా. మేఘాల మీద పోతే. ఆరుగొలను వచ్చేతలికీ కాస్ చేసి పారేశాడు. బాబూరావు మొహం యింతయిపోయిందంటే నమ్ము'' అని బ్రహ్మాండంగా కోసేస్తున్నాడు క్లీనరు.
