Title Picture

మూసలో పడని మహానటుడు

భారత చలన చిత్ర విహాయసంలో మూడు దశాబ్దాలు ఉజ్జ్వలంగా వెలిగిన ఒక తార జూలై 24వ తేదీ రాత్రి అస్తమించింది. ఉత్తమ్ కుమార్ లేని బెంగాలీ చిత్ర సీమను ఉహించడమే కష్టం. భర్తీ చేయడానికి వీల్లేని ఈ దారుణ నష్టాన్ని బెంగాలీ చిత్రసీమ ఇక భరించక తప్పదు. చేదు విషం లాంటి ఈ సత్యాన్ని కళాప్రియులు దిగమింగక తప్పదు.

Title Picture
గోల్డ్ రష్

ఈ కోర్సు చరిత్ర
ఈ ఫిలిం అప్రీసియేషన్ కోర్సు బెంగుళూరులో 30.10.1974 నుంచి 09.11.1974 వరకు పది రోజుల పాటు జరిగింది. అప్పుడు నేను ఆంధ్రప్రభ దినపత్రిక బెంగుళూరు ఎడిషన్ లో పనిచేస్తున్నాను. ఆ కోర్సు కార్యక్రమం రోజూ పొద్దున 9 గంటల నుంచి రాత్రి 9 గంటల వరకు జరుగుతుంది. మధ్యలో ఒంటిగంట నుంచి మూడు గంటల వరకు భోజన విరామం ఉంటుంది. మా బాస్ నన్ను ఆఫీసు డ్యూటీ మీద పంపించరు. అందుచేత పది రోజులు సెలవు పెట్టేశాను. అప్రీసియేషన్ కోర్సు లో బోలెడు నోట్స్ రాసుకున్నాను. అలాంటి వాటి పట్ల మా బాస్ కు బొత్తిగా ఆసక్తి లేదు. ఆ నోట్స్ ఆధారంగా నేను రాసిన వ్యాసాన్ని 1978లో 'ప్రజాతంత్ర'కు ఇచ్చాను, అప్పటికి నేను 'ప్రభ' హైదరాబాద్ ఎడిషన్ లో పనిచేస్తున్నాను. అదీ ఈ వ్యాసం కథ.

  • నం.పా.సా
Title Picture

1895 డిసెంబరు 28వ తేదీన ల్యూమెరీ సోదరులు పారిస్ లో ప్రప్రథమంగా తమ 'సినిమెటోగ్రాఫ్'ను ప్రదర్శించి, ప్రపంచానికి సినిమాను పరిచయం చేశారు. ఆ తర్వాత ఏడు నెలలకే 1896 జూలైలో బొంబాయి ప్రేక్షకులు 'సజీవంగా కదిలే ఛాయాచిత్రాల' విడ్డూరాన్ని చూసి ముగ్ధులైనారు. అంటే మన దేశానికి సినిమా వేంచేసి 80 సంవత్సరాలు దాటింది.

Title Picture
'సంస్కార'లో గిరీశ్ కర్నాడ్

కన్నడ చిత్రసీమకు స్వర్ణయోగం ప్రసాదించిన తెలుగు ప్రతిభ

తెలుగు, తమిళం సినిమాల కంటే మూడు సంవత్సరాలు ఆలస్యంగా 1934లో టాకీయుగ ప్రవేశం చేసి, సుమారు పదేండ్ల క్రిందటి వరకు కేవలం తెలుగు, తమిళ చిత్రాలకు ఉపగ్రహంగా ఉండిపోయిన కన్నడ సినిమా 1966 నుంచి ఒక వ్యక్తిత్వాన్ని సంతరించుకోవడం ప్రారంభించింది. 1971లో 'సంస్కార' చిత్రంతో విప్లవ శకంలో అడుగుపెట్టి, అప్పటి నుంచి పెద్ద పెద్ద అంగలు వేసుకుంటూ పురోగమించి నాణ్యంలో తెలుగు, తమిళ చిత్రాలనేకాక, హిందీ, మలయాళ చిత్రాలను, మొదటి నుంచి ప్రతిభకు పెట్టింది పేరుగా ఉన్న బెంగాలీ చిత్రాలను కూడా దాటిపోయింది కన్నడ సినిమా.

Title Picture
వందేమాతరం

మనం ఎటుపోతున్నామో, ఎక్కడ ఉన్నామో తెలుసుకోవాలంటే మధ్య మధ్య ఒక్కసారి ఆగి, వెనక్కి తిరిగి చూసుకోవడం మంచిది. అలా చూసుకుంటే మనం తిన్నగా నడుస్తున్నామా, డొంక తిరుగుళ్ళు తిరుగుతున్నామా, అసలు ముందుకు పోతున్నామా, వెనక్కి పోతున్నామా, గానుగెద్దులాగా గుండ్రంగా తిరుగుతున్నామా అనేది తెలుస్తుంది. మనకొక గమ్యం అంటూ ఉందనుకుంటే, ఆ గమ్యం దిశగా నడుస్తున్నామా, లేదా అనేది చూసుకుంటూ ఉండాలి. ఎటో అటు నడుస్తూ పోవడమే మన పరమాశయం కాదు కదా!

Title Picture
మాధవీముఖర్జీ

సువర్ణ పతక గ్రహీత సత్యజిత్ రాయ్ 'చారులత'

సత్యజిత్ రాయ్ దర్శకత్వం క్రింద ఆర్.డి.బన్సాల్ నిర్మించిన బెంగాలీ చిత్రం 'చారులత' 1964వ సంవత్సరంలో తయారైన భారతీయ కథా చిత్రాలన్నింటిలో అత్యుత్తమ చిత్రంగా ఎన్నికై, రాష్ట్రపతి సువర్ణ పతకాన్ని గెలుచుకున్నది-ఈ వార్తలో విశేషమేమీలేదు. సత్యజిత్ రాయ్ ప్రతి ఏడాదీ ప్రభుత్వం నుంచి సువర్ణపతకాన్నో, రజతపతకాన్నో, ప్రశంసా పత్రాన్నో అందుకుంటూనే ఉన్నారు. ఆయన సువర్ణ పతకాన్ని అందుకోవటం ఇది మూడవసారి. ప్రభుత్వం చలన చిత్రాలకు బహుమతులు ఇవ్వటం ప్రారంభించిన తర్వాత ఇంతవరకు ఒకటి కంటే ఏక్కువ సువర్ణ పతకాలను పొందినవారు మరెవ్వరూ లేరు.

Title Picture
ఆశాభావానికి బీజం నాటిన చలనచిత్ర కళా సదస్సు

"వ్యాపారుల కబంధ హస్తాల నుంచి భారత చలన చిత్ర కళ బ్రతికి బయట పడుతుందన్న ఆశలేదు. అసలు ఇప్పుడున్న స్థితిలో మన సినిమాలను 'కళ'గా భావించడం కూడా హాస్యాస్పదం. న్యూథియేటర్స్, ప్రభాత్ టాకీస్, వాహినీ సంస్థలు వైభవంగా విరాజిల్లిన రోజుల్లో సినిమా ఒక కళ. ఇప్పుడు ఇది కేవలం జూదంలాంటి వ్యాపారం". దేశంలో ఎందరో కళాభిజ్ఞులు ఈ భావం వెలిబుచ్చుతున్నారు.

Title Picture
మాలాసిన్హా, భరత్ భూషణ్

లైట్ అండ్ షేడ్ వారి ఈస్ట్ మన్ కలర్ హిందీ చిత్రం 'జహనారా' విషాద మధురమైన ప్రేమకథాచిత్రం. మొగల్ సామ్రాజ్య కళావైభవాన్ని చక్కగా ప్రతిబింబించిన చారిత్రక చిత్రం. ఇందులోని సంగీతం, సాహిత్యం, నృత్యం, శిల్పం, ఛాయాగ్రహణం అలనాటి మొగల్ వైభవాన్ని కళ్లకు కట్టినట్లు చూపిస్తూ, చెప్పుకోదగినంత ఉన్నత ప్రమాణంలో ఉన్నాయి. 'అనార్కలి', 'మొగల్-ఇ-ఆజం' చిత్రాల తర్వాత ఆ కోవకు చెందినవాటిలో-దీనిని ఉత్తమ చిత్రంగా చెప్పుకోవచ్చు.

Title Picture

కె.ఎ.అబ్బాస్ నిర్మించిన 'సెహర్ ఔర్ సప్నా' బొంబాయి వాళీ కళాఖండం. 1963వ సంవత్సరపు అత్యుత్తమ చిత్రంగా రాష్ట్రపతి స్వర్ణపతకాన్ని అందుకున్నది.

చిత్రం మంచి చెడ్డల మాట అటుంచి-అసలు ఆనవాయితీ ప్రకారం స్వర్ణపతకం బెంగాలీ కళాఖండానికి దక్కకుండా దీనికి దక్కడం ఒక విశేషం. సత్యజిత్ రాయ్ తీసిన 'మహానగర్' కంటే రెండు మెట్లు పైన నిలబడటం (నిలబెట్టటం) అంతకంటే పెద్ద విశేషం. ('మహానగర్'కు అఖిలభారత స్థాయిని మూడవ స్థానం లభించింది') ఈ రెండు కారణాల వల్ల ఈ చిత్రాన్ని గురించి విశేష ప్రచారం జరిగింది. ఈ ప్రచారం నిర్మాతలు కూడా స్వయంగా చేసుకున్నారు (ఆర్థిక విజయం సాధించటానికి ఇతర ఆకర్షణలు చిత్రంలో ఏమీ లేవు కనుక).

Title Picture

వి.జి. ఫిలింస్ వారి 'ఒపేరా హౌస్' చిత్రం కులాసాగా పొద్దుపుచ్చడానికి షికారుగా వెళ్లి ఒకసారి చూడతగిన చిత్రం. ఈ చిత్రం నిడివి 12 వేల అడుగుల చిల్లర మాత్రమే కావడం ఒక ఆకర్షణ. దీనిని భారీ ఎత్తున నిర్మించలేదు. నటీనటులు, సాంకేతిక నిపుణులు ఎవరూ అగ్రశ్రేణికి చెందినవారు కారు. ఉన్న ఆర్థిక స్తోమతును బట్టి కాస్త ప్రేమ, మరికాస్త అపరాధ పరిశోధన, సస్పెన్సు, హాస్యం ఏర్పాటు చేశారు. సరోజాదేవి హీరోయిన్ గనుక, కథ కూడా ఆట్టే లేదు గనుక, డాన్సులనూ, వాటితో పాటు పాటలనూ కొంచెం ఎక్కువగానే చొప్పించారు.

Title Picture

రామకృష్ణ దర్శకత్వంలో వెలువడిన 'శభాష్ రాజా' తెలుగు చిత్రం (డబ్బింగు కాదు) ఇంతకు ముందు సి.ఎస్. రావు దర్శకత్వం క్రింద సుందర్ లాల్ సహతా నిర్మించిన చిత్రాల స్థాయిలో ఉంది. శతదినోత్సవ చిత్రాల లక్షణాలను మేళవించుకున్న ఈ చిత్రం మన ప్రేక్షకులకు కావలసిన వినోదాన్ని కావలసినంతగా అందించగలదు.

Title Picture

బాలల చలన చిత్ర సంఘం నిర్మించిన 'చేతక్', 'యాత్రా' అనే చిత్రాలను విజయవాడ విజయాటాకీసు వారు బాలల చిత్రోత్సవ సంఘం తరపున క్రిందటి ఆదివారం నాడు బాలలకు ప్రత్యేకంగా ప్రదర్శించారు. అంతకు క్రితం రోజు ఈ రెండు చిత్రాలనూ విజయాటాకీసు వారు పత్రికా విలేఖరులకు ప్రత్యేకంగా చూపించారు. బుధ, గురువారాలలో ఈ చిత్రాలను పిఠాపురంలో ప్రదర్శించారు. నేటి ఉదయం వీటిని విజయవాడ మారుతీ టాకీసులో ప్రదర్శిస్తున్నారు.